Scheisse, i muess etz do eifach schribe-andersch halti das ächt ned us.
I ha mini Lehr zwar voll guet agfange ond alles, aber i vermesse mis Forum 44 so fescht..
Be grad vorhär dobe im Zemmer gsi ond ha die letschte Sache verumt om de Bruefsschuelsache Platz z'mache. Ond plötzlech semer weder all die ärnschte, loschtige ond vorallem verdammt schöne onvergässleche Zite in Senn cho.
De Afang, womer alli no so schüch ond froh gsi send, wenn mer weder usem Schuelzemmer ab Hei händ chönne.. Ond doch hämer eus so mega zämmegschweisst, dass es mer etz fasch s'Härz zerrisst.. I hätt nie dänkt gha, dassi jemols wörd säge, dassi das ganze letschte Schueljohr so gliebt han. Mini Klass ond mini Lehrer..Mini Doro ond mini Babsi..eifach alles!!
Be eifach nor am lätsche ond ha s'Güehl, trotzdem dassi die letscht Woche scho gschaffet han, werd mer ersch etz rächt klar, dass es niämeh so es Johr werd geh wie das letschte.
So en Kuschel - Klass. Womer eifach öber alles het chönne diskutiere während em Mettagässe. Met de Sara am Fr.Nomittag während em Franz ofem natel Quadra Pop spele ond felme..
Met de Alex ond de Jeanine am Do. im B änne chli de Seich mache ond eifach gnüssä, dass es Mönsche get, wo mech wörkli gärn händ.
All die Zite vo de Schuelereis här, öber mini Zite, wos mer ned so guet gange esch, bes he zom Absched..
So onvergässlech schön.
Danke, i danke eu allne, dass ehr mer das ermöglech händ. Dass ehr mer zeigt händ, wie's esch gliebt z'wärde ond so aktzeptiert z'wärde wieni ben.
Dasi so ben, woni etz stoh, hani nor eu z'verdanke.
Ned nor de Schüeler, sondern au dene wondervolle Lehrer.
Abonnieren
Kommentare zum Post (Atom)
5 Kommentare:
hey mel!! wenni das so lis wirdi eifach grad wiedr trurig!! ich ha hüt min erschte schueltag gha und hätt mir de ganz tag eifach nur gwünscht dass ich bi euch in bade bi!! am mittag simmer fascht träne cho woni gmerkt ha dass es eifach kei mittag und nüt me söttigs mit euch git!!
aber glich es goht immer wieter und ich bin mega froh dass ich euch alli dört han dörfe kenne lerne!! han euch au alli mega lieb becho und hoff das mir uns bald wieder mol gsehnd!!
*arschkneif* axöl
ach alex, i ha din comment ersch etz gseh.
jo, i be au so mega trurig..au wenni etz sogar im schneeggeeclan be ;) i vermess es der in arsch z'kneife ond ach i vermess MINI mädels usem forum..sogar d'seraina fehlt mer betzli.. ach man, es esch eifach es mega schöns johr gsi.
EHR HÄND MER D'ANGSCHT VOR DE SCHUEL GNH OND FÖR DAS BENI EU ONÄNTLECH DANKBAR!!!!!!!!
sometimes i wish i could turn the time back!!
axel
Medicine Lodge Ladies Bronc Riding
http://knighttimestattoo.com/ - generic xanax
In some cases the medication is used for those with agoraphobia, but not all of them.
[url=http://knighttimestattoo.com/]xanax online[/url]
Spironolactone And Norepinephrine Drug Interaction [url=http://alertpayrandomizer.net/]cheapest levitra online[/url] Doctors and patients must discuss whether or not the benefits of the medication outweigh the risks. http://alertpayrandomizer.net/ - levitra online pharmacy
Kommentar veröffentlichen