12. September 2005 - Der Tag, der mein Leben veränderte

i han 7 Johr psychischi Ängscht gha ond mi 4 Johr lang sälbscht verletzt.min lehrer het mi abe gmacht dewäge vor de ganze klass. ond, was hesch so metem psychiater gredet?? gohsch weder hei goh retze?? ond so sache hani mer müässe bütte lo vo de w****. das wördi höt au nömä. mis selbschtbewosstsi esch am arsch gsi..be zo verschedene Psychiater ond Psychologe, zom Teil beni no als Lügnerin dargstellt worde..Mini letschti Therapeutin esch eh de hammer gsi, die het während de thearpie gforzet, grülpst, graucht, gässe&tronke ond sech eifach wie en ganz normale mönsch verhalte-am afang hanis mega schief gfonde, aber wenni etz so zrog dänke..vellecht het sie eifach wellä, dassi mi frei füehlä, dass d'setzig ned so agspannt ond piinlech esch..??i ha denn au met 16ni gfonde, es esch gnueg. die letschti hoffnig of e heillig hani gfonde, wo mini crazy-therapeutin gseit het, i söll ine klinik. i be deför gsi, ha dänkt, wenn mer das helft, denn nehmis in agreff ond wenn's s'letschte esch woni mach.das esch s'1mol gsi, woni so rechtig lang wäg vo deheime gsi ben ( i ben emmer sones mami-chend gsi. ha dor mini psychische àngscht au no mega lang be mine eltere im zemmer pennt.. chönnd mer glaube esch mega piinlech!!) jo ond denn beni zerscht 2 woche of de gschlossne station gsi ond denn de räscht vom halbe johr of de offne..ha höhene ond tüüfs dorregmacht, ha au medis brucht..ha nochem ustrett witergnoh..besi ergendwenn gfonde han..heey, mer gohts doch guet, ha kei ängscht meh, retze nöm, wieso eigentli no neh?? ha angscht gha ufz'höre, ha angscht gha, alles chonnt weder zrog..ha dänkt, d'medis händ mi gheilt, debi benichs sälber gsi, ich han mech gheilt, d'istellig zom läbe ond döfe z'erfahre, dasses au anderi mönsche im läbe get, wos scheisse goht.zom thema psychiatrie:wie gseit, i benes halbsjohr det gsi ond i cha eu säge, es esch eini vo de geilschte zite i mim läbe gsi!! vellecht au, weli inere psychi gsi ben, wo ned so stiif ond öbervollkomme met gränze gsi esch..wel mer det behandlet worde esch, wie jede "normal"(etz esch weder d'frog, was normal eigentli esch) au.mer send de ganz tag betreut worde, händ schuel gha ond halt therapie ond torne ond alles andere halt au..set mim ustrett gohts mer sehr guet, das esch etz mettlerwille 2 johr här, hanen gottebueb ( esch chorz vor mim psychiustrett of d'wält cho) wo mis härz erhellt ond glaubed mer, i wörd das ned wellä gäge de tod tusche.i be froh, hani mi trotz vele gedanke dra ned ombrocht.i be trotz de alltagsproblem froh, dassi döf läbe.

ond mettlerwille esch es 2 johr här setem itrett..wie letscht johr afangs septämber chonnt eifach alles weder ue..all die gfüehl woni gha ha, bem itrettsgspröch, die gfüehl bem itrett sälber, wo mini eltere mech det anebrocht händ, ohni mech hei send.. schaisse ond das esch am afang gsi. noch dem halbe johr hani gar nöme hei wellä wels so cool gsi esch dete..
i weiss ned, im moment füehli mi eifach mega..wie sölli säge dorrenand..zerstreut.. i fend kes rechtigs wort deför..es esch eifach so wie en traum oder so..voll strub.
ofen art ond wies wördis alles huere gärn nomol dorchläbe ond alles no besser ond intensiver erläbe ond of die ander site beni eifach nor froh, esch es verbi ond i ha min wäg gfonde..

esch halt eifach chli komisch zo erkläre..has eifach grad müässe ufschribe, wel sosch hätti eh ned chönne penne..

do tueni etz ke pix ie, esch mer denn doch z'persönlech..